1979. urte
inguruan, “Lauaxeta Taldea” sortu zan Mungian, bertsoari tokatzen jakon tokia
emon gurean. Talde honek antolatutako ekintzen barruan, 1979an, bertsolari
gazteak trebatzeko txapelketa dogu. Urduliz eta Lezaman finalerdiak egin
ondoren, Mungian egin zan finalean, Ernest Alkat atara zan txapeldun.
80. hamarkadan,
bertso-eskolak hasten dira sortzen herri askotan. Mungian, Xabier Amuriza, bere
lehenengo txapela irabazi ondoren, bertsolaritza klaseak emoten hasiko da.1980.
urtean, bertsolaritzak beste loraldi bat bizi izan eban ; herriz-herri sortzen
hasi ziren talde naturalak doguz horren lekuko: Santutxu, Algorta, Durango,
Gernika eta Mungia. Talde horien
helburua ez zan soilik plazarako bertsolariak sortzea, bertsoen eta euskal
kantuen bidez, euskaltzaletasuna biztea baino.
Hasieran, modu
apalean, Amuriza gidari zala, Mungian talde polita osatu zan, astero biltzen
ziralarik, bertsotan egiteko. Handik jaioko da Mungiako lehenengo
bertso-eskola.
Urte batzuk
geroago, beste herrietako eskolekin batera, BBIE (Bizkaiko Bertsolari Ikasleen
Elkartea ) sortu zan. Handik sortuko da Bizkaiko eta Arabako bertsolari
elkartea, hasierako talde honetatik. Talde horietatik urten eben plazarik plaza
jardungo eben bertsolariak, gai-emoileak eta baita epai-mahaikoak bere.
Inguruetako herri
eta auzoetan, bertso-saio ugari burutu ziran 80-90. hamarkadetan, aitatutako
taldearen eskutik. 1984. urtean,
Taket Bertso Txapelketa antolatu izanaz aparte, talde honek parte garrantzitsua
izan dau Bizkaiko Bertsolari Txapelketan, baita Euskal Herriko Bertsolari
Txapelketarako gaiak eta antolaketaren eraketan eta antolaketan. Kateak
etenik izan ez dagian, jente barria sartu beharra egoan.
1991. urtean,
“Mungia Euskaldunduz” taldea sortu zan, eskoletako maisu eta ikasle batzuen
ekimenez, Mungian gaixo egoan euskera suspertzeko asmotan. “Nontzebarri”
aldizkaria izan zan oihartzunik gehien izan eban ekimena; talde horren barruan,
Jon Lopategiren ardurapean, bertso-eskola bat sortu zan 1992. urtean.
Hemendik aurrera,
Mungian, elkar ezagutzen ez eben bertso-eskola bi izan ziran. Talde biak 1997an
batu ziranean, alkarte barri bat sortzea proposatu zan. Bertotik jaioko da
“Taket Bertsolaritza Alkartea”.
Gorputz bi izango ditu alkarte honek; bata, bertso-eskola
aktiboa ( bertsotan erakutsi gura daben gazte guztieri zuzendua ) eta bestea,
Eraketa taldea ( txapelketetarako gaiak
atondu, Mungiako San Antontxu eta San Pedroetako bertso-saioak bideratu eta
bertso-paper lehiaketak antolatu ).
Paraje honetan,
badago euskerarenganako kezka bat eta, aurrerantzean, beste kultur elkarte
batzuekin batera,“Taket Bertsolaritza Alkarteak” hainbat lan burutu dau
euskeraren eta euskal kulturaren mesederako.
*Bertso-plaza barriak
1995. urtean, bertsolari gazteek, bertsotarako plazarik ez daukiela ikusirik, Taket alkartearen burukomin nagusienetariko bat, gazteentzako, plazak lortzea izan zan. Herrian dagoan taberna bat aukeratu eta hileko azken bariku guztietan bertso-saioak antolatzen hasi ziran. Azken urte honeetan, bertatik pasatu dira gaur sarri ikusten doguzan bizkaitar bertsolaririk gehienak.
1995. urtean, bertsolari gazteek, bertsotarako plazarik ez daukiela ikusirik, Taket alkartearen burukomin nagusienetariko bat, gazteentzako, plazak lortzea izan zan. Herrian dagoan taberna bat aukeratu eta hileko azken bariku guztietan bertso-saioak antolatzen hasi ziran. Azken urte honeetan, bertatik pasatu dira gaur sarri ikusten doguzan bizkaitar bertsolaririk gehienak.
Ekimen honen eredua harturik jaioko da “Txapel Bete Bertso”. Herririk
herri leku bat bertsotarako prestatu eta bertsotan egin dagien, urtean zehar
plaza gitxi daukien bertsolari gazteek.
. “Taket Bertsolaritza Alkarteak”
itxaropentsu darrai aurrera, inguruko bertso-ekimen
gehienak bideratuz. Urterik urtera, ekimenak ugarituz doazenez, gaur egun, ez da erregularki hileko azken bariku guztietan holako saiorik egiten. Halandabe urtean honelako ekimen batzuk mantentzen ditugu.
Alkartearen izena, gure eskualdeko bertsolaririk ezagunenari egin diogun omenalditzat har dezakegu: Juan Ormaetxe "Taket"i zor genion.
No comments:
Post a Comment